Programming ah a lung lut mi u le nau nan dih lak nan kut kan tlaih hna. Programming ti mi hi a thei cia mi zong nan um lai a thei lo mi zong nan um men lai. A thei cia mi a thiam cia mi u le nau hna zong nih HK Sharing nih kan tuah mi te hi kan dir kamh uh law Lai tlang in IT thiam sang tam pi kan chuah khawh nak hnga pakhat le pakhat i bawm cio hna uh sih tiah kan sawm hna.
Programming ti mi cu computer rian a fial tu a si. Minung le minung kan i chawnh tik ah hin minung holh in kan i chawn. Cu ve ban tuk in computer kha minung nih kan chawnh dub a si ah cun a mah computer holh te in chawnh a hau ve. Computer nih cun 0 le 1 lawng hi a theih tik ah minung nih chawnh awk , rian fial awk ah a har tuk mi a si. Cucaah Lai pa le Afriaca pa kan i chawnh thiam lo ah cun holhlet(translator) pawl nih a kan leh piak tawn. Cu ve ban tuk cun minung le computer zong hin kan kar ah holhlet tu an um ve.Cu cu interpreter tiah kan auh. 0 le 1 lawng a thei mi holh kha low level language tiah kan ti i minung theih ning in ttial mi holh kha high level language tiah kan ti.
Minung nih high level in kan tial mi kha interpreter nih a kan leh piak i cu ti cun computer nih cun minung caah rian cu a kan ttuan piak. High level language hi vawlei cung ah phun 700 leng a um. Cu hna lak ah cun Java , Python , PHP , COBOL , C# , C++ pawl hi a min thang ngai i hman ngai mi langauges pawl an si.A min thang mi a dang language zong tampi a um rih.
Mah language pawl hmang in hin zei pawl dah kan tuah khawh?
Mah language pawl hmang in hin computerized system phun phun kan ser khawh(eg. Website, software, game, robotics, tbk) pawl thil tam pi ser khawh a si. Game tbk software tbk pawl ttial a duh mi pawl nih cun hi programming language pawl hi thieh lo le thiam lo a ngah lo mi an si.
Cucaah Programmer si a duh mi nih cun a hram fek tein kan cawn i kan i zuam a hau. Part(1) sharing cu mah vial hi sirih seh law Part(2) ah kan i tong tthan te hna lai.
HK SHARING 
kan i lawm
LikeLike