Hakha University hi University kan hmuh nak hmanh a sau rih lo nain kan i ruah lo leng in a rak ttha tuk. Hmai lei Chin ram le Chin miphun caah cun ruah chan nak tlang pi zong a si.

Kawl ram University tam pi hi kan zoh tik ah a tu ban tuk Hakha University bantuk in cawn awk a tling mi University hi a um rih lo. Cu leng ah kawl ram i University pawl an ser dan hi Technological University ah cun Technological he aa pehtlai mi major pawl lawng kha cawn khawh a si. Cun Computer University ah cun computer le IT major lawng cawn khawh a si hoi. Cun University of Medicine pawl zong ah hin medical kong lawng cawn khawh a si. Cu leng ah mha University pawl cu a khua khat ah an ser hmanh ah a ken kip ah an tthen hna.Cu tik ah sianghngakchia pawl cu pakhat le pakhat an fimthiamnak cawn mi cu sharing an i tuah kho hna lo.

Mah le cawn mi kong lawng an theih , an hngalh, an hmuh peng tik ah cun sibawi kai mi nih Engineering kai mi pa kha an i thei thiam kho lo. Mah le major lawng hi a bia pi tuk ah kan ruat i a dang major kha ruah awk ah kan thei tilo.

A sinain a tu bantuk in Hakha University pakhat chung ah major tling ngai ngai in cawn khawh nak kan hmuh mi hi hmai lei ah cun a kan cawi sang tu University ah a si te lai.

Pathian tu nih Hakha University hi thlaw kan chuah piak seh law kan ram nih a herh mi mi thiamsang tam pi a chuah kho tu si hram ko seh!

•